Messages In This Digest (2 Messages)

1.: NEHA KE NYARE NYARE SMS - 361-362-363-364-365-366-367-368-369-370 From: neha s

2.: SUHANI KE SUHANE JOKES-31-32-33-34-35-36-37-38-39-40 From: suhani

View All Topics | Create New Topic

Messages

1.: NEHA KE NYARE NYARE SMS - 361-362-363-364-365-366-367-368-369-370

Posted by: "neha s" nehashah20f@yahoo.com nehashah20f

Tue Apr 27, 2010 7:41 am (PDT)

NEHA KE NYARE NYARE SMS - 361

NEHA KE NYARE NYARE SMS - 361
*****************************
Mili jo najre to pyaar ho jaayega,
Aankhon hi aankhon me ikaraar ho hi jaayega,
Agar phir toota dil hamara,
To kasam se phir kabhi na jud paayega...
*****************************
Bin tere jab bhi raat hoti hai,
Deewaaro se hi baat hoti hai,
Sannaata poochta hai sawaal hamse,
Tere naam se hi to shurooaat hoti hai...
*****************************
Dekhi hajaaro mahafil par ye fija kuch aur hai,
Jalwe dekhe hai hajaaro magar aapki ada kuch aur hai,
Waise to hajaro jaam hai,
Par aapke SMS ka nasha kuc aur hai.
*****************************
Sookhe hue phool jab kitabo me mil jaayenge,
Bhool se phir ham tumhe yaad aayenge,
Ehasaas hoga hamaari chaahat ka,
Jab door bahut ham tumse chale jaayenge.
*****************************
Har baat jubaan se kah du ye jaroori to nahi,
Umra gujari hai aadhi poori to nahi,
Door jaroor hai aapki nigaaho se,
Par dil ki dil se doori to nahi.
*****************************
NEHA KE NYARE NYARE SMS - 362

NEHA KE NYARE NYARE SMS - 362
*****************************
Nigaahe dar pe lagi hai aur udaas baithe hai,
Tere aane ki lekar aas baithe hai,
Yu hi nahi tej hui dhadkan,
Aisa lagta hai ki aap mere paas baithe hai.
*****************************
Har khushi kam hai,
Tera gam bhulaane ke liye,
Ek tera hi gam bas hai,
Jindagi bhar roolaane ke liye...
*****************************
Kasoor to tha in nigaaho ka,
Jo chupke se deedaar kar baithi,
Hamne to khamosh rahne ki thani thi,
Par bewafa ye jubaan ijhaar kar baithi.
*****************************
Mit gaye hai sab jakhm,
Bas nishaan baaki rah gaya,
Saja poori ho gai,
Bas karna gunaah baaki rah gaya...
*****************************
Pyaar me hamne kya paya,
Kabhi khud roye to kabhi aapko roolaya,
Julm pe julm karti gayi duniya,
Aur ek main tha jo uf tak bhi na kar paya...
*****************************
NEHA KE NYARE NYARE SMS - 363

NEHA KE NYARE NYARE SMS - 363
*****************************
Neend apni bhula kar sulaya hamko,
Aansu apne gira kar hasaya hamko,
Dard kabhi na dena us khuda ki tasweer ko,
Jamana kahta hai maa-baap jinko...
*****************************
Mere dost pahle sher sunte hai,
Phir poochte hai tujhe ye kaha se milte hai,
Unka bhi dil meri tarah toota hua ho to,
Unhe pata chale ye to tanhaaiyo se milte hai.
*****************************
Pee hai sharaab har gali har mahkhaane se,
Ek dosti si ho gai hai sharaab ke jaam se,
Gujare hai ham kuch aise mukaam se ki,
Nafrat si ho gai hai mohabbat ke naam se.
*****************************
Kis dil se unki wafa maangu,
Kis pal se unse milne ki taarikh maangu?
Mujhe to dar hai unhe kho dena ka,
Kis khuda se unko paane ka naseeb maangu...?
*****************************
Waqt ke saath halaat badal jaate hai,
Apno tak ke khyalaat badal jaate hai,
Jab bura waqt aata hai pyaare,
Khud apne hi jajbaat badal jaate hai...
*****************************
NEHA KE NYARE NYARE SMS - 364

NEHA KE NYARE NYARE SMS - 364
*****************************
Ae dil-e-naadaan tujhe hua kya hai,
Aakhir is dard ki dawa kya hai,
Ham ko unse hai wafa ki ummeed,
Jo nahi jaante ki wafa kya hai...?
*****************************
Apna dil apni tabaahi ka sabak hota hai,
Ye jawaani ka jamana bhi ajab hota hai,
Kaun si baat ne kis shakhs ka dil tod diya,
Bhoolne waale ko ehasaas bhi kab hota hai...?
*****************************
Kabhi jaroorat pade to sabse pahle hame aawaaj dena,
Agar koi shak ho to aajma lena,
Jindagi tumhaare liye chod denge,
Maut hamaare liye chod dena...
*****************************
Tum bin jindagi sooni si lagti hai,
Har pal adhoori si lagti hai,
Ab to in saanso ko apni saanso se jod de,
Warna jindagi kuch pal ki mehmaan lagti hai.
*****************************
Aankhon me samaai hai soorat teri,
Dil me chupa hai pyaar tera,
Tu aa chaahe na aa,
Harpal karenge intjaar tera.
*****************************
NEHA KE NYARE NYARE SMS - 365

NEHA KE NYARE NYARE SMS - 365
*****************************
Jakhm dene ka andaaj kuch aisa hai,
Jakhm dekar poochte hai ab haal kaisa hai?
Kisi ek se gila kya kare,
Saari duniya ka mijaaj ek jaisa hai...
*****************************
Agar hamne apne gam aapko de diye hote,
To aap apne hosh kho diye hote,
Ham to phir bhi muskura rahe hai,
Aap to khuda kasam ro diye hote...
*****************************
Tanhaai ke is aalam me na koi saathi hai,
Na koi armaan hai, bas yaado ka sama hai,
Shikwa kare bhi to kisase kare,
Jab mera yaar hi bewafa hai.
*****************************
Rishto ki ahamiyat bataate hai faasle,
Magar thoda tadpaate hai faasle,
Dilo me ho na doori dua karna,
Chaahe yu hi rahe meelo ke faasle...
*****************************
Dil ka gulaab jise chum ke diya,
Usne mujhe bahaar se mahroom kar diya,
Tumhaari berookhi ne to hamara naam kar dala,
Hame shaayar bana ke mera saathi jaam bana dala.
*****************************
NEHA KE NYARE NYARE SMS - 366

NEHA KE NYARE NYARE SMS - 366
*****************************
Samjha na koi dil ki baat ko,
Dard duniya ne bin soche hi de diya,
Sah gaye jo ham agar dard ko chupke se,
To phir hamko patthar dil kah diya...
*****************************
Ek hamara waqt hai jiska ek pal
Aapki yaad ke bina nahi jata aur
Ek aapka waqt hai
Jisme hame yaad karne wala pal hi nahi aata.
*****************************
Jindagi ek safar hai imtahano ka,
Yaha haar bhi hai aur jeet bhi hai,
Jindagi ek fasaana hai aashiko ka,
Yaha milna bhi hai aur bichadna bhi...
*****************************
Ae musaafir ham bhi chale the kabhi un raaho par,
Sajaaye the hamne bhi aankhon ke saaj par kuch sapne,
Lut gaye ham unhi se jo the kabhi mere apne...
*****************************
Jindagi wo jo teri baaho me gujare,
Raat wo jo tere khwaabo me gujare,
Hasi wo jo teri hasi par aaye,
Aansu wo jo teri yaad me aaye...
*****************************
NEHA KE NYARE NYARE SMS - 367

NEHA KE NYARE NYARE SMS - 367
*****************************
Usne gam deke bataya meri kismat kya hai,
Main bhi gam kha ke baat du ki mohabbat kya hai?
Jamana kyon pareshaan hai meri tanhaaiyo par,
Gahraai me jaane ki jaroorat kya hai...?
*****************************
Agar bheegne ka itna hi shauk hai baarish me,
To dekho in aankhon me,
Baarish to har ek ke liye barasti hai,
Lekin ye aankhen sirf tumhaare liye barasti hai...
*****************************
Bikta hai gam husn ke baajaar me,
Laakho dard chipe hote hai ek chote se inkaar me,
Ho jab pyaar jamaane se dukhi,
To swaagat hai hamaari dosti ke darbaar me.
*****************************
Neend aaye to khwaab aaye,
Khwaab aaye to aap aaye,
Isi kashmakash me hamaari raat gujar gayi,
Na neend aayi na aap aaye.
*****************************
Chahat me kisi ka imtihaan na lena,
Nibha hi na sako wo wada na dena,
Jise tum bin jeene ki aadat hi na ho,
Use kabhi jeene ki dua na dena.
*****************************
NEHA KE NYARE NYARE SMS - 368

NEHA KE NYARE NYARE SMS - 368
*****************************
In aankhon se ye aansu bahte hai,
Tum kya jaano kitna dard ham sahte hai?
Log hamara majaak udaate hai aur
Hamaare aansu ko paani kahte hai.
*****************************
Bhoole hi wo kuch is tarah hame,
Ki unhe samajhana bhi mushkil ho gaya,
Kya pata koi khata ho gayi hamse ya koi
Aur unke jyada kareeb aa gaya...?
*****************************
Kuch gam mere dil se sambhaale nahi jaate,
Aansu bhi unhe saath nahi le jaaye,
Ek waqt tha jab pi jaate the sau gam ke samundar,
Aaj do aansu bhi ab mujhse sambhaale nahi jaate.
*****************************
Mere dard ko kisi ne nahi dekha hai,
Jisane dekha hai sirf mujhe dekha hai,
Aksar rota hu tanhaaiyo me,
Mahafil me logo ne mujhe haste dekha hai.
*****************************
Tere bagair jiye ja raha hu mai,
aisaa lagataa hai koI gunaah kiye jaa rahaa hooM maiM,
jahaaM kaheeM bhee ho lauT kar aa jaao,
waranaa ek aur gunaah karane jaa rahaa hooM mai.
*****************************
NEHA KE NYARE NYARE SMS - 369

NEHA KE NYARE NYARE SMS - 369
*****************************
Ek din hamaari muskaan, hamse pooch baithi,
Hame roj kyon bulaate ho?
Hamne kaha, ham yaad to apne dost ko karte hai,
Tum unki yaado ke saath chali aati ho...
*****************************
Aaj bhi unaki najro me raaj wo hi tha,
Chehra wo hi tha, chehare ka libaas wo hi tha,
Kaise unko bewafa kah du yaaro,
Aaj bhi unke dekhane ka andaaj wo hi tha.
*****************************
Rang waale rang se tasweer badal dete hai,
Nikale huye kamaan se teer badal dete hai,
Tumase mere do aansu na badle gaye,
Badalne waale to takdeer badal dete hai.
*****************************
Toote huye taare ko dekh kar maine kaha,
Ae dil maang le tu bhi fariyaad koi,
Par dil se aawaaj aai ki jo khud toot raha hai,
Kaise poori karega wo fariyaad koi...?
*****************************
Saath uska kya chuta ham majaak ban gaye,
Pata nahi meri takdeer me kya likha tha,
Jo is khaaI me aakar gir gaye...?
*****************************
NEHA KE NYARE NYARE SMS - 370

NEHA KE NYARE NYARE SMS - 370
*****************************
Ek hi duniya me rahate hai,
Fir bhi mil nahi paate hai,
Aapse to aapke khwaab hi ache hai jo,
Aankhen band karte hi chale aate hai...
*****************************
Raat ki tanhaai se darte hai ham,
Kaagaj ki parchaai se darte hai ham,
Duniya saath chale na chale,
Tere saath ki ummeed karte hai ham.
*****************************
Aisa yaar chaahiye jo hame apna maan sake,
Hamaare har dukh ko jaan sake,
Chal rahe ho tej baarish me,
Phir bhi paani me se aansu ko pahchaan sake...
*****************************
Phool sabnam me doob jaate hai,
Jakhm marham me doob jaate hai,
Jab koi aasra nahi hota,
To ham aapke gam me doob jaate hai...
*****************************
Pattharo ko itna na poojo ki,
Wo dewta ho jaaye,
Chaahne waale ko itna na chaaho ki,
Wo bewafa ho jaaye.
*****************************
http://groups.yahoo.com/group/Hindi_Jokes

Friends now my sms are also available at
http://hindijokes.informe.com
Please send your comments here.

Neha Shah
Add me as your friend at face book

Back to top
Reply to sender | Reply to group | Reply via web post
Messages in this topic (1)

2.: SUHANI KE SUHANE JOKES-31-32-33-34-35-36-37-38-39-40

Posted by: "suhani" suhanisharma21f@gmail.com suhanisharma21f

Tue Apr 27, 2010 9:39 am (PDT)

SUHANI KE SUHANE HINDI JOKES-031

SUHANI KE SUHANE HINDI JOKES-031
*-*-*-*-*-*-*-*-*-*-*-*-*-*-*-*
Santa- "Kal aapne apne bache ko bahut pita|
Aakhir aisi kya baat ho gayi thi usse?"
Banta- "Darhasal do din baad us badmaash ka
result nikalne waala hai aur mai aaj hi ek
mahine ke tour par jaa raha hu|"
*-*-*-*-*-*-*-*-*-*-*-*-*-*-*-*
Santa- "Meri patni mera itna khyaal rakhti
hai ki kal mehmaano ke vidaa hone ke baad jab
maine usse kaha ki garam paani ka jaldi praband
kare to usi wakt paani garam kar diya|"
Banta- "Waah! Lekin us samay bechaari ko paani
garam karne ka kasht kyu diya?"
Santa- "Kyuki mai thande paani se bartan
nahi dho sakta tha|"
*-*-*-*-*-*-*-*-*-*-*-*-*-*-*-*
Hadbadi me kahi jaate dekhkar ek yuvti
ne apne Doctor pita se poocha- "Kya baat hai
papa? Aap itni jaldi me kaha jaa rahe hai?"
Doctor- "Abhi-abhi ek vyakti ka phone aaya tha,
keh raha tha ki haaye, mai mar jaaunga... turant aa jao|"
Navyuvti ne sharmakar kaha- "Papa...vah...vah
phone aapke liye nahi mere liye tha|"
*-*-*-*-*-*-*-*-*-*-*-*-*-*-*-*
Putra- "Pitaji, mai nadi me aage jaaunga|"
Pita- "Nahi, doob jaaoge|"
Putra- "Nahi dooboonga, mujhe tairna aata hai|"
Pita- "Yadi doob gaya to ghar jaakar teri khoob pitai karunga|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-032

SUHANI KE SUHANE HINDI JOKES-032
*-*-*-*-*-*-*-*-*-*-*-*-*-*-*-*
Achaanak bijli chali gayi to mombattiya jala
di gayi| garmi tej thi| isi beech ek mehmaan
ne kaha- "Bhai, pankhe to chala do|"
Mejbaan ne mudkar badi gambheerta se kaha-
"Pankhe chalane se mombattiya bujh jayengi|"
*-*-*-*-*-*-*-*-*-*-*-*-*-*-*-*
Ek lamba tagda bahut hi mota vyakti darji ki
dukaan par pahucha|
Darji ne badi kathinayi se naap lekar haafte hue kaha-
"Janaab, is shervani ki silaai ke sau rupaye honge|"
Mota vyakti- "Parantu tumne Telephone par pachas
rupaye bataye the|"
Darji ne pasine pochte hue kaha- "Ji haan bataye to the,
parantu shervani ke bataye the, shaamiyaane ke nahi|"
*-*-*-*-*-*-*-*-*-*-*-*-*-*-*-*
Shikshak- "Maan lo, tum jungle me khade ho,
isi beech sher aa jaye to tum kya karoge?"
Chaatra- "Sir, mai kya karunga? Jo kuch karega,
sher hi karega|"
*-*-*-*-*-*-*-*-*-*-*-*-*-*-*-*
Chaatra (ganit ke adhyaapak se)- "Sir, hindi waale
Teacher hindi me bolte hai aur angreji waale
angreji me, phir aap ganit me kyu nahi bolte?"
Adhyaapak- "Chup baith jao, jyaada teen paanch karoge
to claas se nau do gyaarah kar dunga|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-033

SUHANI KE SUHANE HINDI JOKES-033
*-*-*-*-*-*-*-*-*-*-*-*-*-*-*-*
Putra se naaraaj hote hue pita ne kaha- "Nalaayak!
prem-patra maine bhi khoob likhe the magar...|"
Putra- "Magar kya pitaji?"
Pita- "Teri tarah galat vyaakaran nahi
likha karta tha|"
*-*-*-*-*-*-*-*-*-*-*-*-*-*-*-*
Putra- "Pitaji, mere liye dhol kharid dijiye|"
Pita- "Kharid sakta hu, par waada karo ki
tum mujhe pareshaan nahi karoge|"
Putra- "nahi pitaji, mai aapko bilkul pareshaan
nahi karunga| Aapke so jaane ke baad
hi use bajaunga|"
*-*-*-*-*-*-*-*-*-*-*-*-*-*-*-*
Ladka- "Mai jo kaam karta hu, apne aapko
usme dubokar karta hu|"
Ladki- "To aap baraya meharbaani
jaakar ek kuaa khodiye|"
*-*-*-*-*-*-*-*-*-*-*-*-*-*-*-*
Santa- "Doctor saahab! Suna hai aajkal
saap ke kaatne ka ilaaj ho jaata hai?"
Doctor- "Sabka ilaaj ho jaata hai|"
Santa- "Kuch to aisa jaroor hoga,
jiska ilaaj nahi hai?"
Doctor- "Haan! Aurat ke kaatne ka
koi ilaaj nahi hai|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-034

SUHANI KE SUHANE HINDI JOKES-034
*-*-*-*-*-*-*-*-*-*-*-*-*-*-*-*
Geeta- "Seeta, meri ghadi kho gayi,
kya tumne kahi dekha hai?"
Seeta- "Nahi, chalti thi ya band thi?"
Geeta-"Chalti thi|"
Seeta- "Tab jaroor kahi chalkar gayi hogi|"
*-*-*-*-*-*-*-*-*-*-*-*-*-*-*-*
Beta- "Pitaji, koi aaya hai|"
Pita- "Kaun?"
Beta- "Koi mooch waala hai|"
Pita- "Keh do, nahi chahiye|"
*-*-*-*-*-*-*-*-*-*-*-*-*-*-*-*
Premi- "He priye, is baar mai pariksha
me fail hona chaahta hu|"
Premika- "Kyu?"
Premi- "Yadi mai first aaya to pitaji ne mujhe
science dilvaane ko kaha hai, second aaya to commerce
dilvayenge, agar third aaya to arts dilvayenge aur
agar fail ho gaya to tumhaare saath shaadi kar denge|"
*-*-*-*-*-*-*-*-*-*-*-*-*-*-*-*
Santa- "Doctor saahab, mujhe barabar yahi sapna
dikhta hai ki mere paas se hokar sundar-sundar
ladkiya teji se bhaag rahi hai|"
Doctor- "Usme mujhse kya chaahte ho?"
Santa- "Aap aisi dava deejiye ki ya to un ladkiyo
ki raftaar kuch kam ho jaye ya meri badh jaye|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-035

SUHANI KE SUHANE HINDI JOKES-035
*-*-*-*-*-*-*-*-*-*-*-*-*-*-*-*
Mahesh- "Mere bhai ka koi baal baanka
nahi kar sakta|"
Kamal- "Kya vah bahut bahaadur hai?"
Mahesh- "Nahi, vah ganja hai|"
*-*-*-*-*-*-*-*-*-*-*-*-*-*-*-*
Judge- "Tum sweekar karte ho ki tumne apni patni
ko peeta hai|"
Abhiyukt- "Ji hujoor! Sweekar karta hu|"
Judge- "Thik hai, tum par pachaas rupaye pachaas paise
jurmaana kiya jaata hai|"
Abhiyukt- "Hujoor, pachaas rupaye to samajh me aaye,
lekin pachaas paise kis baat ke?"
Judge- "Vah manoranjan kar hai|"
*-*-*-*-*-*-*-*-*-*-*-*-*-*-*-*
Pita- "Dekho beta, tum kabhi shaadi na karna,
yah baad me bahut badi musibat paida kar deti hai|"
Beta- "Haan pitaji, mai kabhi shaadi nahi
karunga aur yahi shiksha apne bete ko bhi dunga|"
*-*-*-*-*-*-*-*-*-*-*-*-*-*-*-*
Chaandni raat ke romantic palo me premika ne kaha-
"Kaash! Agle janam me mai chaand banti!"
Premi- "Aur mai chandrama par utarne waala
pehla antriksh yaatri!"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-036

SUHANI KE SUHANE HINDI JOKES-036
*-*-*-*-*-*-*-*-*-*-*-*-*-*-*-*
Pita- "Bete, tumhaare dadaji ne shaadi ki aur pachtaye,
maine shaadi ki aur pachta raha hu, tum kya karoge?"
Beta- "Ji, vansh parampara nibhaunga| Shaadi karunga
aur phir pachtaunga|"
*-*-*-*-*-*-*-*-*-*-*-*-*-*-*-*
Santa- "Suna hai, tumhari patni ko naukri mil gayi?"
Banta- "Haa|"
Santa- "Kaam kya karti hai?"
Banta- "Logo ko chadati-utaarti hai|"
Santa ne hairat se poocha- "Kya...?"
Banta ne baat ki safai ki- "Bus conductor ho gayi hai|"
*-*-*-*-*-*-*-*-*-*-*-*-*-*-*-*
Bhikhari (apne bete se)- "Bete, yadi hamari saat
laakh ki lottery khul gayi to sabse pehle makaan
kharidunga, phir apne aur tum sabke liye naye-naye
kapde silvaunga| Iske alaava...|"
Beta (pita ki baat beech me kaat ta hua)- "Iske
alaava papa ek car kharid lena| Hum log usme
baithkar bhikh maangne chala karenge, kyunki mai
paidal chalte-chalte thak jaata hu|"
*-*-*-*-*-*-*-*-*-*-*-*-*-*-*-*
Bar me ek aadmi ne ek kutte ke saath kadam rakha|
Bartender- "Yah gadha yaha kyu laye ho?"
Aadmi- "Andhe ho kya? Yah tumhe gadha dikhai de raha hai?"
Bartender- "Mai tumse baat nahi kar raha hu,
mai kutte se baat kar raha hu|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-037

SUHANI KE SUHANE HINDI JOKES-037
*-*-*-*-*-*-*-*-*-*-*-*-*-*-*-*
Chotu- "Tumhara kutta bahut sharaarti hai|
kya tum ise thik nahi kar sakte?"
Tinku- "Yaar! Dhairya rakho| Yaad nahi, tumhe
thik karne me mujhe kitne din lage the|"
*-*-*-*-*-*-*-*-*-*-*-*-*-*-*-*
Doctor- "Tum kya tankhwa chaahti ho?"
Nurse- "Teen sau rupaye mahina|"
Doctor- "Teen sau rupaye mai anand ke saath de
sakta hu|"
Nurse- "Anand ke saath to mai chaar sau rupaye lungi|"
*-*-*-*-*-*-*-*-*-*-*-*-*-*-*-*
Santa- "Tumhare dil ki taklif ka kya
haal hai?"
Banta- "Aji, aajkal vah maayke me hai|"
*-*-*-*-*-*-*-*-*-*-*-*-*-*-*-*
Santa- "Achaa hua, mai Maharashtra me
paida na hua|"
Banta- "Wo kyu?"
Santa- "Kyuki mujhe to Marathi ka ek akshar
bhi nahi aata|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-038

SUHANI KE SUHANE HINDI JOKES-038
*-*-*-*-*-*-*-*-*-*-*-*-*-*-*-*
Workshop me Deviji dheele-dhaale kapde pehankar aayi
to operator ne kaha- "Deviji, ye dheele-dhaale kapde
pehankar na aaya kijiye, machine me fas jaane ka dar hai|"
Deviji- "Janaab, agar mai tight kapde pehankar
aaungi to doosre logo ka machine me fasne ka dar hai|"
*-*-*-*-*-*-*-*-*-*-*-*-*-*-*-*
Ek Fauji officer ko kisi lambi duty par desh se
baahar bheja gaya| Jab pardesh me rehte huye bahut
din ho gaye to ek din use ek patra mila jisme likha
tha- "Chalte samay maine aapko jo photo di thi,
vah vaapas kar dijiye, mai bank manager se shaadi
karna chaahti hu|"
*-*-*-*-*-*-*-*-*-*-*-*-*-*-*-*
Santa seedi par chade hue ghar ki chat pot rahe
the| Banta vaha aaya|
Banta- "Santa, tumne brush majbooti se
pakda hua hai na?"
Santa- "Haan! Kyu?"
Banta- "Mai thodi der ke liye seedi le jaa raha hu|"
*-*-*-*-*-*-*-*-*-*-*-*-*-*-*-*
Putra- "Pitaji, kal maine teen makhiya maari
thi, jinme do maada thi aur ek nar|"
Pita- "Lekin beta, tumhe ye kaise pata chala ki
unme do maada thi aur ek nar?"
Putra- "Badi seedhi-si baat hai, ek makhi
aapki whisky ki botal par baithi thi,
baaki do aaine ke saamne mandra rahi thi|"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-039

SUHANI KE SUHANE HINDI JOKES-039
*-*-*-*-*-*-*-*-*-*-*-*-*-*-*-*
Seeta- "Behan, aajkal to mujhe saari raat jaagna
padta hai, kyuki mere pati beemaar hai|"
Geeta- "To koi nurse kyu nahi rakh leti?"
Seeta- "Nurse rakhi hai isliye to jaagti hu|"
*-*-*-*-*-*-*-*-*-*-*-*-*-*-*-*
Yuvak- "Kya aap mere saath dance karengi?"
Yuvti- "Mujhe khed hai, mai bache ke saath dance
nahi kar sakti|"
Yuvak- "Oh! maaf kare, mujhe aapki haalat ka
pata nahi tha|"
*-*-*-*-*-*-*-*-*-*-*-*-*-*-*-*
Pappu- "Papa, raat ko maine ek sapna dekha,
aapne mujhe das rupaye diye hai|"
Papa- "Chal aath aana jebkharch kaatkar saadhe
nau rupaye vaapas kar|"
*-*-*-*-*-*-*-*-*-*-*-*-*-*-*-*
Patni ka honth upar se thoda kat gaya| Doctor
ne dawai lagaakar taanke laga diye| Pati chupchap
dekhta raha| Phir usne Doctor ke kaan me kaha-
"Doctor saahab, dono hontho ko taanke lagaakar
seene ki aap kitni fees lenge?"
*-*-*-*-*-*-*-*-*-*-*-*-*-*-*-*
SUHANI KE SUHANE HINDI JOKES-040

SUHANI KE SUHANE HINDI JOKES-040
*-*-*-*-*-*-*-*-*-*-*-*-*-*-*-*
Shyaam- "Pitaji, swatantrata divas kab aata hai?"
Pita- "Jab tumhari mummy ghar me nahi hoti|"
*-*-*-*-*-*-*-*-*-*-*-*-*-*-*-*
Raat ke baarah baj chuke the| Bacha abhi tak
soya nahi tha|
Bacha- "Mummy, mujhe kahani sunao|"
Mummy- "Thodi der aur thehar beta| Abhi tere
papa aayenge aur hum dono ko ek kahani sunayenge|"
*-*-*-*-*-*-*-*-*-*-*-*-*-*-*-*
Santa- "Papa! Shaadi me kul milakar kitna
kharch hota hai?"
Pita- "Pata nahi beta, mai abhi tak chuka
raha hu|"
*-*-*-*-*-*-*-*-*-*-*-*-*-*-*-*
Mehmaan- "Tum to kehte the ki tumhare yaha
machar pareshaan nahi karte| Lekin tumhara
ghar to macharo se bhara pada hai|"
Mejbaan- "Haan! Lekin ve hame pareshaan nahi
karte| Hum unke aadi ho chuke hai|"
*-*-*-*-*-*-*-*-*-*-*-*-*-*-*-*
http://groups.yahoo.com/group/Hindi_Jokes
suhanisharma21f@gmail.com

Back to top
Reply to sender | Reply to group | Reply via web post
Messages in this topic (1)